Порошково

Cело Украины Порошково мад. Poroskő, сл. Poroškov Держава УкраинаУкраина Область ЗакарпатскаЗакарпатска Еврорегион Карпаты Сельска рада Порошковска Координаты 48.666389, 22.75138948°39′59″ с. ш. 22°45′05″ в. д.48.666389° с. ш. 22.751389° в. д.    Розлога 54,72 км² Обывательство 3821 особ (2001) Часова зона UTC+2, влѣтѣ UTC+3 Телефонный код +380 3145 Поштовый индекс 89230 КОАТУУ 2123283001 Порошково

Порошково — село в Перечинском районѣ Закарпатской области, центер сельськой рады, до котрой входять Маюркы и Мокра. Лежить на лѣвом березѣ рѣчкы Турѣ, за 23 км од районного центра. Через село иде асфалтка Ужгород — Свалява.

История

Первы упоминкы о селѣ датованы роками 1357 и 1381, паном села быв Габор Орос, дале Порошково належало панству Другетох, а од року 1711 ерару. В року 1762 збудовали муровану грекокатолицку церковь св. Николая, котра служить громадѣ доднесь.

Року 1910 в селѣ были 2012 обывателѣ, з того Мадяре — 40, Нѣмцѣ — 126, Русины — 1846. Подля вѣры: римокатолици — 20, грекокатолици — 1857, израелиты — 130. До Трианона село административно належало ку Перечинскому округу (Perecsenyi járás) жупы Унг (Ung vármegye).

В януарѣ 1919 Порошково окуповало чехословацке войско.

В року 1930 село мало 2513 обывательох, з котрых 2345 были грекокатоликы. Подля народности: Русины — 2351, Евреи — 94, Чехы и Словакы — 38, Мадяре — 13, Нѣмцѣ — 2, чужоземцѣ — 15. Была русинска 6-класна школа. Ходив приватный автобус. В селѣ была пошта, нотарскый уряд, жандарска станиця.

В марцу 1939 Порошково окуповало мадярске войско. Около 100 молодых людей утѣкли до Совѣтами окупованой части Польщи, 87 з них вернули ся яко воякы армадного корпуса генерала Лудвика Свободы.

25. октобра 1944 до Порошкова вступила 24. Самаро-Ульяновска стрѣлецка дивизия Червеной армады и зачав ся совѣтскоукраинскый период его истории. В року 1962 отворили нову велику середню школу на 750 учньох.

Вызначны родаци

• Михаил Михалина (1924 - 1998) - вызначный русинскый, мадярскый и чешскый фотбаловый оборонець.
• Августин Штефан - педагог, политичный дѣятель Подкарпатской Руси
• Евгений Фенцик - писатель, журналиста, публициста, служив ту священиком од року 1885 до своей смерти.

Сельска рада

Порошківська сільська рада
89230, Закарпатська обл., Перечинський р-н, с.Порошково, вул.Центральна,74 укр.

Жерела и одказы

• Гурницький К. І.: Порошкове. //Тронько П. и др. (ред.) Історія міст і сіл України. Том 7. Закарпатська область. К. 1969. Сс. 463-472. укр.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 (pdf) укр.
• Федака Сергій. Населені пункти і райони Закарпаття. Історично-географічний довідник. "Ліра". Ужгород, 2014. ISBN 978-617-596-158-2 Google books укр.
• Порошково. //Портал ВР України укр.

Референции

Навигация по Перечинскому району Районный центер: Перечин Ворочово • Дубриничѣ • Завбуч • Зарѣчово • Ликицары • Липовець • Лумшоры • Маюркы • Мокра • Новоселиця • Ольшинкы • Пастилкы • Полянска Гута • Порошково • Раково • Свалявка • Симер • Симеркы • Туриця • Туричкы • Турѣ Реметы • Туря Быстра • Туря Пасѣка • Туря Поляна