Кобылецка Поляна

Мѣстечко Украины Кобылецка Поляна Кобилецька Поляна укр. Выгляд на мѣстечко з околицѣ Давны назвы Kabolapoiana, 1600 Держава УкраинаУкраина Область ЗакарпатскаЗакарпатска Район Раховскый Селищна рада Кобылецкополянска Координаты 48.0575, 24.06722248°03′27″ с. ш. 24°04′02″ в. д.48.0575° с. ш. 24.067222° в. д.    Розлога 5,2 км² Вышка центра села 413 м Обывательство 3 480 особ (2022) Часова зона UTC+2, влѣтѣ UTC+3 Телефонный код +380 3132 Поштовый индекс 90620 КОАТУУ 2123655800 Кобылецка Поляна

Кобыле́цка Поля́на, укр. Кобилецька Поляна, мад. Gyertyánliget — мѣстечко в Раховском районѣ Закарпатской области Украины. Статус мѣстечка, «селище мѣстского типа» укр., достало в року 1971.

Полога

Лежить на рѣчцѣ Шопурка при сутоку рѣчок Мала Шопурка и Середня. Оддалена од найблизшой желѣзничной штации Великый Бычков о 12 км, од Рахова — 50 км, од Ужгорода — 185 км.

История

Перва упоминка в жерелах походить з року 1600, под назвов Kabolapoiana, русинского походжѣня. Назва походить од горы Кобыла, котра высить ся над осадов. Мадярска назва Gyertyánliget (грабовый лѣс) появила ся в зачатку 1900-х при мадяризации назв, а была то назва лѣчивых купельох, котры фунговали около села.

Од року 1775 в селѣ на основѣ мѣстных найдищ желѣзной руды фунговала желѣзарня, од року 1870 — металоробна фабрика Братмана, де были заняты 100 роботникы, а выробляли аршовы, чеканы, не лем про мѣстну потребу, але и на експорт.

В октобру 1914 село на даколько днѣ было заяте русскым войском. В ходѣ боя лѣчивы купелѣ были знищены, зостала з них лем една хыжа.

В апрѣлю 1919 село заяли Румыны, але уже од року 1920 вошло до Чехословакии на основѣ Сен-Жерменского договора.

В року 1930 в селѣ было 2218 обывательох: Русины — 1141, Нѣмцѣ — 548, Евреи — 292, Чехы и Словаци — 115, Румыны — 65, чужинцѣ (без чехословацкого подданства) — 57. Была русинска школа (4 класы) и чешска школа (3 класы), пошта, телеграф, телефон, жандарска станиця.

15. марца 1939 в село вошли Мадяре, 52 обывателѣ, обвинены з участи в украинском руху, были забраны до мадярскых концентрачных лагрох, 6 утѣкли до СССР. Там были взяты до совѣтскых працовных лагрох яко «мадярскы шпионы».

17. октобра 1944 в село пришла Червена армада, и зачала ся украинско-совѣтска доба. В августѣ 1945 отворена сѣмрочна украинска школа. Металоробна фабрика реконштруована, од року 1964 достала назву Закарпатска арматурка, укр. Закарпатський арматурний завод, на мѣстѣ бывшых купельох отворили филиалку раховской туристичной базы.

Днешность

В Кобылецкой Полянѣ суть 4 лѣсництва, середня школа, дом културы, двѣ библиотекы, болниця, лѣчебно-оздоровный комплекс Трембита, рекреачна база Квасный, жерела минералных вод. В року 1994 в резултатѣ религийного конфликта спалена памятка архитектуры — грекокатолицка деревяна церква Вознесѣня Господнього.

Закарпатска арматурка, де в 1980–1990-х роках мали роботу 1100 особ, а продукция експортовала ся до 30 держав свѣту, в року 2010 ликвидована з причины банкротства.

Администрация

Кобилецько-Полянська селищна рада укр.

90620, Закарпатська обл., Рахівський р-н,

смт.Кобилецька Поляна, вул.Павлюка, 175

Вызнамны родаци

• Емилиан Бокшай (1889–1976), священик, русинскый дѣятель
• Йосиф Бокшай (1891–1975), академичный малярь

Жерела и одказы

• Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. ISBN 978-615-5097-53-9 мад.
• Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 укр.
• Тронько П. и др. (ред.) Історія міст і сіл України. Том 7. Закарпатська область. К. 1969. укр.
• Павлюк Є. В. (2013). Кобилецька Поляна (по украинскы). Енциклопедія сучасної України. http://esu.com.ua/search_articles.php?id=8844. [перевірено 2019-09-19]. 
• Облікова картка: Кобилецька Поляна (по украинскы). Верховна Рада України. 2013. http://w1.c1.rada.gov.ua/pls/z7503/A005?rdat1=20.10.2003&rf7571=11502. [перевірено 2019-09-19]. 
• Кобилецька Поляна. weather.in.ua. http://weather.in.ua/en/zakarpatskaja/10813. [перевірено 2019-09-19]. 
• Либавка Б. І. (2010). Закарпатський арматурний завод (по украинскы). Енциклопедія сучасної України. http://esu.com.ua/search_articles.php?id=14615. [перевірено 2019-09-20]. 

Референции

Навигация по Раховскому району Районный центер: Рахово Мѣстечка: Великый Бычков • Кобылецка Поляна • Ясѣня Села: Бѣла Церква • Бѣлин • Богдан • Бребоя • Верхное Водяное • Водиця • Выдричка • Говерла • Дѣлове • Добрик • Квасы • Косовска Поляна • Костыльовка • Круглый • Лазещина • Луг • Лугы • Ольховатый • Плаюц • Росошка • Ростокы • Середное Водяное • Ситный • Стебный • Стримба • Тростянець • Хмельов • Чорна Тиса