Алберт Сент-Дьердьи
| Алберт Сент-Дьердьи | |
|---|---|
| Szent-Györgyi Albert | |
 Алберт Сент-Дьердьи в року 1937 | |
| Имя при уроджѣню | Szentgyörgyi Albert Imre |
| Познатый як | объявитель витамина С, выгледовач цитратового цикла |
| Горожанство | Мадярьско |
| Уроджѣня | септембра 16., 1893 Будапешт |
| Упокоеня | октобра 22., 1986 (93 р.) |
| Вудс Гоул, Массачузетс | |
| Причина | ниркова недостатність |
| Похованя | Woods Hole Village Cemetery 7330283 |
| Научна робота | |
| Сферы наук | медицина, биохемия |
| Alma mater | Помилка Lua у Модуль:Wd у рядку 2006: attempt to concatenate a nil value. |
| Узнаня | |
| Одзнакы | |
| Нобелов лавреат з физиологии и медицины, 1937 Ласкерова награда, 1954 | |
 | |
| Алберт Сент-Дьердьи на Викискладѣ VIAF:29659235; GND:118799614; LCCN:n50012667; FAST:3833; BNF:127756317; OL:OL157086A; Ту можуть быти податкы з Wikidata, не контролованы авторами статѣ | |
Алберт Сент-Дьердьи, мад. Nagyrápolti Szent-Györgyi Albert, *16. септембер 1893, Будапешт — †22. октобер 1986, Вудс Гоул, Массачузетс — быв мадярскый дохтор и биохемик, Нобелов лавреат, член мадярской, совѣтской и америцкой академий наук, посланець мадярского парламента (1945-1947).
Сент-Дьердьи еден из закладательох биоенергетикы, фундаменталный выгледовач в областях биологичной оксидации, молекуларных механизмох мускуларного стягованя.[1]
Биография[едітовати | едітовати жрідло]
Походив зоз заможной и шляхетной родины: отець шляхтич-статкарь з Ардяла, а мати з родины, де было вецеро научных працовникох. Свои высокошколскы штудии зачав на Семмелвейсовой универзитѣ (1911), де его дѣдо и уйко обое были професоры медицины, паралелно працуючи в лаборатории свого уйка. В року 1914 мусѣв перерушити штудии, наруковав до войска яко медик и быв посланый на талиянскый фронт. Быв вызнаменаный Стрѣбернов Медалиов за Одвагу, раненый, зачим пропущеный до цивилу в року 1917.[2]
Того ж року зыскав ступень Доктора медицины, оженив ся и пошов на далшы штудии фармакологии и выгледованя до Пожоня (1917-1919) Позднѣйше Сент-Дьердьи признав ся, же его пална рана была самокалѣчѣньом: яко медик так выбрав путь про кулю в лѣвом надлоктю, жебы не запричинив собѣ непоправну шкоду.[3]
По створѣню Чехословакии (1919) одышов до Прагы, пак до Берлина, Гамбурга и Лайдена (1920-1922). В роках 1922-1926 працовав в Инштитутѣ физиологии в Гронингену, Нидерланды. В роках 1927-1930 быв позваный на выгледовательску роботу до Кембриджа, а еден рок з того працовав ай на универзитѣ Миннесоты, США.[2]
В року 1930 вернув ся до Мадярщины. В часѣ Другой свѣтовой войны быв участником антинацистичного руху, од арешту го ментовала шведска амбасада, де достав шведске державянство. По войнѣ вернув ся до Будапешту, и занимав ся организациов высокых школ и сполоченскыма активитами, быв посланцьом парламента (1945-1947). В року 1947 емигровав до США, де в року 1955 зыскав державянство. Ту заложив Инштитут Мускуларных Выгледовань и Народну Фундацию Против Раковины.[3] В тых двох инштитуциях а тыж в Морской Биолаборатории в Вудс Гоул, Массачузетс працовав до самого конця свого живота.
Научна робота[едітовати | едітовати жрідло]
Штудии и выгледованя мав на вельох универзитах:[3]
- Семмелвейсова универзита, 1917, ту зыскав диплому медика
- Пожоньска универзита, 1917-1919
- Берлинска универзита, 1920
- Гамбургска универзита, 1921
- Лайденска универзита, 1922
- Гронингенска универзита, 1922-1926
- Кембриджска универзита (и Универзита Миннесоты), 1926-1930
В часѣ роботы в США объявив витамин C, за што в року 1937 достав награду Нобела, позднѣйше тыж объявив витамин B2, рибофлавин.[3]
В роках 1931-1945 быв професором на Сегедской универзитѣ.[4]
Серед книг Сент-Дьердьи:[4]
- Хемия мускуларного стягованя (Chemistry of Muscular Contraction, 1947);
- Биоенергетика (Bioenergetics, 1957);
- Вступ до субмолекуларной биологии (Submolecular Biology, 1960);
- Шалена малпа (The Crazy Ape, 1970), ту выказав знепокоеность судьбов людства в добѣ научно-техничного прогреса.
Жерела и одказы[едітовати | едітовати жрідло]
- Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0.
- Nobel Prizes and Laureates: Albert Szent-Györgyi - Biographical
- СЕНТ-ДЬЕРДЬИ, АЛЬБЕРТ. //Энциклопедия Кругосвет
- Albert Szent-Györgyi. //Notable Names Database.